琴日一個人on居居咁走左去睇呢套想睇好耐ge戲,好好睇啊!! 戲入面講左好多宗教理論,但又唔會太迷信喎!! 不過睇完之後更加唔信呢個所謂ge神...完來咁信呢個神...但佢都有機會搵你來做白老鼠咖喎...咁咖.... 同埋2個女角都做得好好!! Emily七情上面, 律師又型喎~~個故事又好睇~等到佢出DVD一定即買!!

開左第一個自己ge blog lu!!! 我會加油密d寫咖啦!!! 但唔知有冇人來睇呢?!

同最好ge朋友仔無搵成個幾月lu......唉.......由一開頭好唔習慣到而家......算啦......但如果你睇到呢度......我己無嬲但...但一定會有條刺囉...

p.s. 勁期待梁祝舞台劇DVD!!! 勁撐何詩詩!!! 哈哈~~以後我會成日講音樂咖!! 唔知你岩唔岩睇呢?

另外呢.....我又寫左我近期勁鍾意ge一個新人方大同ge碟評啊~~post 下先!!

華納新人方大同終於推出首張個人唱片"Soul Boy". 碟入面連Hidden Track總共十四首作品,除左第十三首翻唱"等著你回來"之外...清一色自家作曲,亦填上大部分ge詞!!誠意可嘉!!
出身於夏威夷ge方大同並無選擇英文作為佢音樂ge語言,反而撰擇左普通話...歌詞入面亦無加上太多不必要ge英文歌詞...佢亦不負"Soul Boy"之名, 以soulful ge唱腔貫徹全碟,並無刻意咁聲嘶力竭,值得一讚!

Track 2--"妹妹" 經過第一首intro介紹後, "妹妹"係方大同最新主打歌! Upbeat ge HipHop R&B作品,配合流暢ge編曲, 再加上Khalil soulful ge唱腔!!非常明智ge一首intro歌...雖然歌名叫妹妹",但呢首歌係方大同作俾佢表妹ge. 7/10

Track 3--"春風吹" 大碟中第二首主打,同時亦係我個人最鍾意ge一首作品. 接近Neo Soul曲風ge一首"春風吹", 柔合HipHop ge輕快拍子同R&B ge blues...加上帶住"春風吹過,萬象更新"呢種概念ge歌詞, Perfect! 好耐無咁迷一首華語Neo Soul作品!! 方大同ge演繹亦十分出色!! 9.5/10

Track 4--"每天每天" 呢首歌無論曲風同歌詞,都俾我感覺到同陶吉吉 ge"普通朋友"相類近...都係以soft R&B作主導, 講ge都係愛上一位好朋友...都係唔錯ge一首曲... 7.5/10

Track 5--"女人" 另一首帶住"別人影子"ge歌, 如果大家有聽過Alicia Keys ge"A Woman's Worth" 唔知你覺唔覺得呢首"女人"變左係從男人ge角度去欣賞同愛惜女人...亦都係一首出色ge Neo Soul作品. 如果話"春風吹"係Neo Soul中 R&B佔ge比例多d, 咁"女人"就一定係HipHop成份重d啦! 8.5/10

Track 6--"叫我怎麼說" 以R&B ge節奏墊底...事實上只係一首普通情歌...碟內比較遜色ge一首歌...歌詞亦唔見得特別...5/10

Track 7--"哪怕" 碟入面唯一一首Bossa Nova作品, 聽到令人十分Relax ge 一首作品, Khalil亦配合首歌改變佢之前比較deep ge soul腔,變得比較懶洋洋. 歌詞係講一係男生明明喜歡一位女生,但又要扮唔係...再加少少靦碘...唔錯! 8/10

Track 8--"南音" 碟中第一主打...經過"哪怕" ge Bossa Nova輕鬆過後, 接住ge係全碟最deep ge一首作品--"南音", 故事係講述一位天才盲樂師阿兵(譯音)ge遭遇...佢雖然有過人ge音樂天賦,但可惜懷才不遇...才能始終敵唔過金錢...某程度上都可以比喻時下好多罐頭音樂, 論質素絕對比唔上好多其他音樂,但偏偏就有唔少只係追捧偶像ge人支持...好可悲...歌曲一開頭用一段純鋼琴做intro..然後都係以鋼琴為主,貫穿全曲. 編曲全以Blues做基礎...係十分出色ge一首藍調作品! 不得不提,曲尾最後一段二胡聲...就好似呼應曲中盲樂師ge故事咁.精彩!! 9/10

Track 9--"我們能不能" 其中一首比較pop ge作品, 但並唔代表呢首歌ge質素唔好. 以最大路ge R&B編曲方法做基本, 曲本身比較輕快, 流暢. 但最值得留意ge係歌詞. 世界和平呢個主題並唔係第一次o係音樂中提及, 但華語音樂中...呢個題材係比較少見ge...非常正面ge歌詞, 正如Khalil引巴哈歐拉所寫ge"世界僅一國, 萬眾皆其民",音樂大同,以至世界大同...Good! 留意曲未Khalil會唱出一段好好聽ge假音, 充分表現出佢ge歌唱天分 8.5/10

Track 10--"跳" 碟入面唯一快歌, 歌詞意思同"我們能不能"一樣,都係講及world peace. HipHop曲風配合Khalil 一下一下喃喃ge唱法, 果然有化學效果! 又有另一種味道! 呢首歌亦係碟中唯一加上Rap ge歌!! Khalil ge Rap Skill絕唔失禮, 可以再唱多d呢類作品!! 8/10

Track 11--"總結" 如果話每隻碟都必需要一d穩穩陣陣ge歌, 咁"Soul Boy"就一定係呢首, 大路R&B作品, 無咩特別可以講. 6.5/10

Track 12--"趕場" 另一首Neo Soul作品, 帶住濃厚ge Blues味道, 講緊係人一生不停趕呢樣趕果樣, 緣分又來又去. 唔錯ge一首歌7.5/10

Track 13--"等著你回來"一個嚴重ge錯誤, Khalil點會揀呢首歌來翻唱....仲要變成HipHop版...翻唱經典已經好冒險...仲要改成咁......真係一d都唔好聽.....碟內最令人失望ge一首歌...3/10

Track 14--Hidden Track"認識你" 同歌名一樣, 識女仔囉! 嘻嘻~同樣係一首舒情R&B. 作為一隻碟ge完結曲, 都不失為明智ge~經過咁多首歌之後, 用一首輕輕鬆鬆ge R&B作完結~心情都輕鬆d! 7/10

總括來講, Khalil呢張大碟真係值得買來聽! 佢真係好有音樂才華! 無論曲同詞都有非常唔錯ge水準. 而且佢係produce晒碟入面所有歌...多方面來睇佢都係一位對音樂有熱誠ge歌手! Debut做得咁好, 希望佢會keep住, 唔好越來越變得商業化!! 難得有一位咁好ge soul靈歌手!! 加油啊! Khalil!

不過又講返...點解Khalil要揀普通話而唔揀廣東話呢? o係港普通話歌ge市場有限, 而台灣, 同類型ge歌手又有太多...David, Leehom, Jay...etc. 要突圍都唔易...希望Khalil ge才華可以得到多d人認同啦!!